xè qua me mario ?
uno co a panseta, un poco peà
ah…. el xè eà sentà
el magna e el beve de gusto
vardeo,
co o gò sposà el gera un fusto ….
ohh un tipo in gamba……………. inteigente
n’ol me fasseva mancar gnente….
el me contava : col gera puteo
a radio a gaena gera el zogo più beo
na scatoea , e cuffie, un pochi de fii
el gera l’orgoglio de a mama e dei zii
i scoltava pieni de amirassion
pian pianeo anca tre stassion
gnente calcio gnente stadio
el preferiva zogar co a radio.
pena sposà el gà assà tuto fermo
me pareva de aver vinto un terno
el me portava anca a spasso
ma na sera el xè andà da basso
proprio un ritorno de fiama
el gà scoltà radio so tuta a gama
par mi xè sta un bruto giorno
daea cantina no’l gà più fato ritorno
tirarlo via de eà gera un’impresa,
me tocava andar da soea a far a spesa.
el voeva sempre a sena bonora
par coegar e isoe in tanta maeora
oh. …. el ghe ne gà na bea istà !
un giorno riva el postin co radio rivista
un toso gentie , bastansa beo semo stai a ciacoear in tineo dabasso, in cantina, ghe gera iu’
che continuava a ciamar ciqu’ ciqu’
ormai me so abituada
no me rabio gnanca
so sta casa ghe xè na roba che no manca
antene sol coverto antene in giardin
comprese quee del me bel postin
cio’ tose e poste no funsionara’
ma i postini !!!………
……be continued…..
…Renzo IK3VVA
