Col portatie gà scomissià quasi tuti
pò, col tempo, a passion gà dà i so fruti
quando te trasmetevi in direta
te sentiva in pochi co quea anteneta
na bea sodisfassion in fin dei conti
gera de transitar so do tre ponti.
So e onde corte se fa tanta strada:
me togo na bea radio… anca usada.
Col toeva na radio un radioamator
che de storie gera grande inventor
contava che gà costà metà del presso
ma so mujer se rabiava eo stesso.
Però gera na gran bea sodisfassion
aver ingrandio a so stassion…
se moro mì, el me diseva soridente,
me mujer che no sa gnente
quel che me gà costà un saco
a lo vende par na pipa de tabaco!
Xè ora de montar na bea antena
quea picoea che gò fa prioprio pena
co tanto coragio e sacrificio
rampegarse fin sora un traicio
coi muscoi che fa mal ma contenti
de aver fissà ben i controventi
a caminar e lavorar sui coverti
semo deventai dei veri esperti.
Ehhh… i radioamatori gà sempre a maniera
de no star mai co i piè par tera
sempre pronti a montar l’antena nova
che rende de piuù, e subito fassemo a prova
eco qua el me vissin de casa
che no xè mai bon de tasa
da quando te gà messo che l’antenna eà
me mujer dise che a lavatrice non và
e se per caso se rompe el teevisor
de sicuro xè colpa del radioamator
co certa genta ghe vol pasiensa
mejo tornar in radio frequensa.
Luna … isoe… castei… erretitiuai
gavemo da divertirse più che mai
bee serate in civudopio o in fonia
o anca na pissa in bona compagnia
par festegiar un bel avenimento
che ve digo col cuor contento
sta session ga fato quarantanni
a zè piena de giovani e de veterani
tuta genta brava, gente scaltra
in radio chi fa na roba e chi un’altra
chi fa e antene e chi fa e gare
chi fa e isoe in meso al mare
chi col tasto va veoce e chi va lento
par far sempre un bel coegamento
tuti modi bei, i zè tuti importanti
zè a radio che unisse tuti quanti
anca importante zè a parer mio
chi va so a luna e salta indrio
.(co questo gò finio)
by Renzo IK3VVA

Gò un’amigo che gà i incubi de note,
par mi el imbriagà, el beve come na bote.
Na note el sogna ea so vissina, na bruta tardona
che de esser radioamator no a ghe perdona.
Par farghe dispeto sta bruta infame
ga tajà el coassial a fete come el saeame
pò el sogna che un stormo de cocai
se gà posà sul’antena e gà piegà i radiai
ma el peso gera che un OM se lagnava
che no lo sentiva,
ma a spussa dei schiti rivava.
N’altra volta intanto che iù dormiva
el so vissin che smontava a diretiva
el dì dopo sto bruto becamorto
gà fato i paeti par i pomodori dell’orto
e QSL na note gà fato a rivolta
pensar che el ghè n’à na bea raccolta
anca quee dei coegamenti più bei
xè andà in aria svoeando come stornei
xè capità che i tarli gà rosegà e radio
invesse da far tanti busi sull’armadio
el pensa “desso cossa pol capitarme?”
Transistor e condensatori magnai dae tarme!
Diodi e resistense tuti quanti magnai
compresi anche i circuiti stampai
Gà portà tuto dal bon COJ
che gà dà un’ociada sensa voer schei
e co na frase lo gà distruto
“qua te toca butar via tuto”.
E so mujer no capiva parchè el se gà alsà ridendo
quando el se gà svegià da sto incubo tremendo
quel giorno el gà giurà sora tutti i santi
de no magnar più de sera robe pesanti
e sopratuto de no ciapar sono davanti ai aparati
sperando de coegar l’isola dei kiribati.
by Renzo IK3VVA

Madona benedeta co sti tosati,
Fin da putei se deventa mati,
Gavevo zà na disgrassia par casa.
Non so se sfogarme, zè mejo che tasa.
Ve conto desso che nol sente
el dise a so pare “Me fasso a patente”
…. spese nove gò pensà.
No semo siori
ma no de machina – de radioamatori!
No stame dar anca ti sta crose.
Ghè gò fatto conosser do bee tose parchè el gavesse na distrassion
ma el me gà dà na gran deusion
invesse de portar al cine na bea fia
el gà fatto contest in teegrafia.
Magari se na tosa ghè dà na man
me fio no zè proprio un vian
ma el se tol tuto el brasso
eo digo con un poco de imbarasso.
Ma gà fato cossì anca tonin mio
che dopo se diventà me marìo.
Speremo che el se sposa anca iù
e che el ghea moea de far cicù.
by Renzo IK3VVA

In occasione della Sagra di Trivignano stiamo organizzando la cena da farsi in loco per il giorno 23 Aprile.

Il ritrovo davanti allo stand è per le ore 19.15.

Chi volesse partecipare è il benvenuto, contatti pure la Segreteria.

Co rivo casa a sera straco e nervoso
serco anca mi un poco de riposo.
Vusto che vada in osteria o al bar
mi no zogo e carte, go de mejo da far,
no vago gnanca a torme e sigarete
impisso e me radio co tute quee lucete.
Scolto un poco un russo e un tedesco
me sento comodo e me godo el fresco.
A frequensa dei radioamatori zè piena
ma adesso i me ciama
zè pronta a sena.
Pena che posso torno so a me stanseta
a propagassion me pararia discreta.
Provo a ciamar se qualchedun me scolta
fasso cicu’ na volta e po’ naltra volta
ghè zè da ealtra parte uno che me sente
ma el riva pian no se capisse gnente.
Coego uno che riva forte un american
co a radio me par de aver el mondo in man
ma desso zè rivà l’ora de moear tuto
ma questo va ben prima gero distruto.
Rivo de sora ghe zè me muger che me speta
stasera a zè stada da soea poareta
e adesso capisso che el mondo zè qua.
El soriso e i so oci e tuto queo che a me dà zè bee e
a me radio zè bea e a frequensa,
ma de ti no podaria mai star sensa.
Par qualche contest coi amissi stago via
ma torno presto co ti in compagnia
Grassie che te soporti calma el me svago
Grassie ma no so come far come te pago ?
Co so insieme a ti el cieo zè sempre seren
in fondo al cuor ti te sa che te vojo ben.
by Renzo IK3VVA

Il Consiglio Direttivo augura a tutti i soci e simpatizzanti un Buona Pasqua.

Venerdì 29 Marzo ti aspettiamo in sezione alle 21.30 per il consueto scambio degli Auguri Pasquali.

Me contava un dì Giampiero
e se questo dise iù, zè tuto vero.

El gà fato na ricetrasmitente
sensa spender quasi gnente.

Valvoe, resistense, condensatori
calcoeà tuto co i giusti vaeori,
messo dentro na bea scatoeta
gera davero na radio perfeta.

Ma co e prime trasmission
bisogna trovar na souission
sensa patente e nè nominativo
ma volo saver fin dove mi rivo.

In siè mega: frequensa de prova
so pirata spero che no i me trova.

Ah… questa si che xè davero bea
N’altro gà vuo a me stessa idea
anca iu’ xe drio far prove
me risponde da chissà dove
…quando uno xè in pirateria
ga da contar qualche busia
…Trieste ! xè da qua che trasmeto
…te rivia Roma come un direto
risponde l’amigo tuto contento
par doman se demo apuntamento.

Dago corente
a valvoe e resistense
l’amico dise no so de Roma
ma de Firense,
ti da Firense te me rivi proprio benon
mi no so de Trieste ma de Pordenon,
no ghe credo tanto al fiorentin
questo par mi sta bastansa vissin.

Quando se scoltemo el giorno dopo
capisso cbe el sta a un tiro de sciopo
el ammette che el xe de Mojan
sto imbrojon
e mi ghe confesso che stago a Marcon.

by Renzo IK3VVA

E’ tornata la cicogna a casa di Massimo IZ3PXU e ha portato Anna!

Congratulazioni a Mamma Alina e a papà Massimo da parte di ARI Mestre!

Per gli appassionati di Contest il 9 Marzo torna il consueto l’appuntamento del Contest University Italy, che si terrà all’interno del Centro Fiera del Garda a Montichiari (BS) – 9 e 10 marzo 2024.

La programmazione e il form per l’iscrizione li potete trovare QUI

ARI Mestre sarà presente alla manifestazione con la consueta presenza di alcuni soci